Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7592 dirre vriuntlîcher strît,
        unz daz der künec unt tiu diet
        beide vrâgte unde riet
        waz under disen liuten
        diu minne möhte diuten
7597 dem hazze alsô nâhen
        den sî ê dâ sâhen;
        des man im schiere verjach.
        sîn neve her Gâwein der sprach
        'herre, wir sulnz iu gerne sagen,
7602 daz ir uns iht habent vür zagen,
        od daz des iemen wân habe
        daz wir mit dirre vuoge iht abe
        des strîtes komen wellen.
        wir wâren ê gesellen:
7607 daz was uns leider unkunt
        hiute unz an dise stunt:
        nune wont niht hazzes bî uns zwein.
        ich iuwer neve Gâwein
        hân gestriten wider in
7612 dem ich dienesthafter bin
[ zurück ]