Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Gregorius

219 der trôst ist nû zegangen:
      mich hât der tôt gevangen.'
      nu bevalh er si bî handen
      den herren von den landen
      die durch in dar wâren komen.
224 hie wart grôz weinen vernomen.
      ir jâmer zuo den triuwen
      schuof dâ grôz riuwen.
      alle die dâ wâren
      die begunden sô gebâren,
229 als ein ingesinde guot
      umbe ir lieben herren tuot.
       Als er diu kint weinen sach,
      ze sînem sun er dô sprach:
      'sun, war umbe weinestû?
234 jâ gevellet dir nû
      mîn lant und michel êre.
      jâ vürhte ich harte sêre
      dîner schœnen swester.
      des ist mîn jâmer vester
239 und beginnez nû ze spâte klagen

[ zurück ]