einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7165 abe dem hûse schouwenloufen die hunde? wan ze swelher stunde daz rôtwilt ersprenget wart, sô was sîn jungeste vart 7170 ie ze wazzer in den sê, und enwart ouch nimmer mê erloufen niender anderswâ wan under dem hûse dâ. und swes muot begunde gern 7175 jagen swîn oder bern, der vant ze dem genieze vil starke breite spieze, und wolde er den hasen jagen, als ir ê hôrtet sagen, 7180 der mohte vinden den wunsch von hasenwinden. nû jage selbe swaz dû wilt. hie sint hunde unde wilt und swaz ze jagenne ist nütze, 7185 netze und guot geschütze, |