einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3127 ez schînet wol, wizze Krist,daz mîn vrouwe ein wîp ist, und daz si sich niht gerechen mac. und vorht er den widerslac, sô heter sîs vil wol erlân3132 daz er ir lasters hât getân. in dûht des schaden niht genuoc daz er ir den man sluoc, erne tæte ir leides mêre und benæme ir lîp und êre.3137 Her Îwein, sît mîn vrouwe ir jugent, schœne, rîcheit, unde ir tugent, wider iuch niht geniezen kan, wan gedâhtet ir doch dar an waz ich iu gedienet hân?3142 und het sî mîn genozzen lân: ze welhen staten ich iu kam, dô ich iuch von dem tôde nam. ez wære umb iuch ergangen, het ichz niht undervangen.3147 daz ich ez ie undervienc, |