Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

1940 und die grâven über al.
        nû vernemet ouch der künege zal.
        ir wâren zehene, sô man zalt,
        vünve junc und vünve alt,
        alle gewaltic unde rîch.
1945 besunder hâten si sich
        gesellet ritterlîchen,
        die jungen ze ir gelîchen,
        die alten zuo den alten:
        diu mâze wart behalten.
1950 die jungen wâren, sô man seit,
        gelîch geriten und gekleit:
        die alten wâren rehte alsam,
        zer mâze als ouch in gezam.
        nû prüeve ich iu der jungen wât:
1955 samît unde sigelât
        zesamene geparrieret,
        enmitten gezieret
        mit vêhen gevillen,
        vil rehte nâch ir willen
1960 ze enge noch ze wît gesniten.
[ zurück ]