einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec2245 mit urloube von dan,daz si sich bereiten dar zuo, wan ez was in niht ze vruo. Êrec fil der roi Lac maneger gedanke phlac, 2250 wie er dar sô kæme als sînem namen gezæme, wan er vor der stunde turnierens nie begunde. vil dicke gedâhte er dar an, 2255 in swelhem werde ein junger man in den êrsten jâren stât, daz er daz immer gerne hât. er vorhte den langen itewîz. deste grœzeren vlîz 2260 gâben sîne ræte wie erz dâ wol getæte. dô enwas er niht sô rîche daz er volleclîche mohte mit dem guote 2265 volziehen sînem muote. |