Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

236 jâ vürhte ich harte sêre
      dîner schœnen swester.
      des ist mîn jâmer vester
      und beginnez nû ze spâte klagen
      daz ich ze allen mînen tagen
241 ir dinc niht baz geschaffet hân:
      daz ist unväterlich getân.'
       Er nam si beidiu bî der hant,
      er sprach: 'sun, nû wis gemant
      daz dû behaltest mêre
246 die jungisten lêre
      die dir dîn vater tæte.
      wis getriuwe, wis stæte,
      wis milte, wis diemüete,
      wis vrävele mit güete,
251 wis dîner zuht wol behuot,
      den herren starc, den armen guot.
      die dînen soltû êren,
      die vremeden zuo dir kêren.
      wis den wîsen gerne bî,
256 vliuch den tumben swâ er sî.
[ zurück ]