Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1148 nu gedâhter waz im töhte.
        dô er mit selhen sorgen ranc,
        dô wart bî im niht über lanc
        ein türlîn ûf getân:
        dâ sach er zuo im ûz gân
1153 eine rîterlîche maget,
        enhete sî sich niht verclaget.
        diu sprach zem êrsten niht mê
        wan 'ouwê, rîter, ouwê!
        daz ir her komen sît,
1158 daz ist iuwer jungestiu zît.
        ir habet mînen herrn erslagen.
        man mac sô jæmerlîchez clagen
        an mîner lieben vrouwen
        und an dem gesinde schouwen,
1163 und sô grimmeclîchen zorn,
        daz ir den lîp hânt verlorn.
        daz sî iuch nû niht hânt erslagen,
        daz vristet niuwan daz clagen
        daz ob mînem herren ist:
1168 sî slahent iuch ab an dirre vrist.'
[ zurück ]