Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

6862 der sî dâ hâte erlôst
        von michelme sêre,
        daz er im sælde und êre
        und rehtes alters ein leben
        und sîn rîche müese geben.
6867 Nû wer mohte im gedreun,
        dô er gesunden sînen leun
        von dem strîte brâhte?
        dar er dâ vor gedâhte,
        dar kêrter nû zehant,
6872 dâ er die juncvrouwen vant,
        die ir niftel siech liez,
        der er den kampf vür sî gehiez:
        diu wîste in die vil rehten wege,
        und vundens in ir vater pflege.
6877 nu entwelten sî niht langer dâ:
        wan in was diu kampfzît alsô nâ
        daz in der tage zuo ir vart
        deweder gebrast noch über wart,
        und kâmen ze rehten zîten.
6882 ir swester, ir widerstrîten,

[ zurück ]