Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

783 daz mir an mînen wirt geriet,
      von dem ich des morgens schiet.
      swie ich dar kam gegangen,
      ichn wart niht wirs enpfangen
      danne ouch des âbents dô ich reit:
788 daz machet aber sîn hövescheit.
      wær mir diu êre geschehen
      als ich in dem laster wart gesehen,
      mîn handelunge wær gnuoc guot.
      alsus trôstens mir den muot,
793 er und mîn juncvrouwe.
      daz sî got iemer schouwe!
       Ich hân einem tôren glîch getân,
      diu mære der ich laster hân,
      daz ich diu niht kan verdagen:
798 ichn woldes ouch ê nie gesagen.
      wære mir iht baz geschehen,
      des hôrtent ir mich ouch nû jehen.
      sî iuwer deheinem geschehen baz,
      ob er nû welle, der sage ouch daz.'
803 Dô rechent der herre Îwein
[ zurück ]