einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6524 diu zwei jungen senten sichvil tougen in ir sinne nâch redelîcher minne, unde vreuten sich ir jugent, und redten von des sumers tugent6529 und wie sî beidiu wolden, ob sî leben solden, guoter vreude walten. dô redten aber die alten, sî wæren beidiu samet alt6534 und der winter wurde lîhte kalt: sô soldens sich behüeten mit rûhen vuhshüeten vor dem houbetvroste. sus schuofen sî ir koste6539 ze gevüere und ze gemache: sî ahten ir sache nâch dem hûsrâte. nû was ez ouch alsô spâte daz in ein bote seite6544 daz ezzen wære gereite. |