Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4345 dâ ichz kan erwenden.
        diu rede sol sich enden:
        sî müezen iuch lâzen vrî,
        od ich erslahe sî alle drî.'
        nû was ir durch ir vrümekheit
4350 ir êre unde ir vrume leit.
        sî wære gerne genesen,
        und möht ez alsô sîn gewesen
        daz er den lîp niht verlür.
        sît ab er mit vrîer kür
4355 den kampf wolde bestân,
        sô lie sîz sîn und muosez lân.
         Nû entwelter dâ niht mê
        (sîn lewe volget im als ê)
        und reit unz er ein hûs ersach.
4360 dâ was guot rîters gemach.
        diu burc was harte veste
        und allen wîs diu beste
        vür stürme und vür mangen:
        den berc hete bevangen
4365 ein burcmûre hôch und dic.
[ zurück ]