einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8634 wan hie hôrte vorhte zuo.ûf stuont er vil vruo. mit vrouwen Ênîten er kam dâ er messe vernam in des heilegen geistes êre, 8639 und vlêhete got vil sêre daz er im behielte den lîp. des selben bat ouch sîn wîp. ze vlîze begunde er sich bewarn, alsam ein ritter der sol varn 8644 kemphen einen vrumen man. nâch der messe schiet er dan. dô was der imbîz bereit, grôz wirtschaft die er alle meit. deheines vrâzes er sich vleiz: 8649 abe einem huone er gebeiz drîstunt, des dûhte in genuoc. ein trunc man im dar truoc und tranc sant Jôhannes segen. zehant wâfente sich der degen 8654 und bereite sich als er solde, |