Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6965 möhten sî nû beide gesigen
        od beide sigelôs geligen
        ode abe unverwâzen
        den strît beide lâzen,
        so si sich erkennent beide,
6970 daz wær in vür die leide
        daz liebest und daz beste.
        jane wâren sî niht geste
        des willen, sam der ougen.
        ir ietwederm was tougen
6975 daz in kempfen solde ein man
        der liebest den er ie gewan.
         Sît daz der kampf wesen sol,
        sô zimt in daz beiden wol
        daz sî enzît strîten.
6980 wes mugen si iemer bîten?
        dâ ist diu state unde der muot.
        ouch wâren diu ors alsô guot
        daz sî daz niht ensûmde.
        ir ietweder rûmde
6985 dem andern sînen puneiz
[ zurück ]