Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Erec

6485 dâ von hât iuch got geleit:
        vor hetet ir ein swachez leben,
        nû hât iu got den wunsch gegeben:
        vor muoste iu vil gewerren,
        nû lobet unsern herren
6490 daz er iuchs hât übertragen
        und lât iuwer tumbez klagen:
        ê lebetet ir âne êre,
        der habet ir nû mêre
        dan dehein iuwer lantwîp.
6495 ir kestiget den lîp,
        welt ir wizzen, âne nôt.
        iu ist ein arm man tôt:
        des sît ir ergetzet mit mir.
        den selben wehsel möhtet ir
6500 immer gerne trîben.
        ich rietez allen wîben,
        wanz enmöhte in niht gewerren
        daz si einen rîchen herren
        næmen vür einen selhen man.
6505 iuwer tumpheit ich iu verban.

[ zurück ]