Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1388 nie mohte misselingen.
        ez ist niuwan alsô komen:
        der im den lîp hât genomen,
        daz ist ein unsihtic geist.
        got herre, wie wol dû weist,
1393 swer ez anders wære
        niuwan ein zouberære,
        des heter sich vil wol erwert.
        im was eht dirre tôt beschert.
        diz hœret er und ist uns bî.
1398 nû kieset hie wie küener sî:
        sît er mînen herren hât erslagen,
        wie mac er dar an verzagen
        ern lâze sich ouch ein wîp sehen?
        wand waz möht im von der geschehen?'
1403 Dô sî gesuochten genuoc
        und in sîn stein des übertruoc
        daz im niht arges geschach,
        wand in dâ nieman ensach,
        do gelac daz suochen under in.
1408 ir tôten truogen sî hin
[ zurück ]