Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4867 grœzern unwillen truoc,
        dem dienter gerne genuoc.
         Des wart sîn muot zwîvelhaft.
        er gedâhte 'ich bedarf wol meisterschaft,
        sol ich daz wægest ersehen.
4872 mir ist ze spilne geschehen
        ein gâch geteiltez spil:
        ezn giltet lützel noch vil,
        niuwan al mîn êre.
        ich bedarf wol guoter lêre.
4877 ich weiz wol, swederz ich kiuse,
        daz ich an dem verliuse,
        ich enmöht ir beider gepflegen,
        ode beidiu lâzen under wegen,
        ode doch daz eine:
4882 sô wær mîn angest cleine.
        sus enweiz ich mîn deheinen rât.
        ich bin, als ez mir nû stât,
        gunêret ob ich rîte
        und geschendet ob ich bîte.
4887 nune mag ichs beidiu niht bestân
[ zurück ]