Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2903 dan ouch ir dô man si emphie.
        der alte künec Lac
        vil grôzer vreuden phlac,
        wan si gâben im beide
        schœne ougenweide,
2908 Êrec mit vrouwen Ênîten.
        ze swederer sîten
        er sînhalp sach, sô vreute er sich,
        wan ir beider lîp was wünneclich.
        sîn sun geviel im wol,
2913 als einem man sîn kint sol,
        des schœne wol gerâten hât
        und alsô gar ze lobe stât:
        doch geviel im vrouwe Ênîte baz.
        wol bescheinte er in daz:
2918 er vuorte si heim ze Karnant
        unde gap dô sîn lant
        in ir beider gewalt,
        daz er ze künege wære gezalt
        und daz si wære künegîn:
2923 er hiez si beide gewaltic sîn.
[ zurück ]