einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec2903 dan ouch ir dô man si emphie.der alte künec Lac vil grôzer vreuden phlac, wan si gâben im beide schœne ougenweide, 2908 Êrec mit vrouwen Ênîten. ze swederer sîten er sînhalp sach, sô vreute er sich, wan ir beider lîp was wünneclich. sîn sun geviel im wol, 2913 als einem man sîn kint sol, des schœne wol gerâten hât und alsô gar ze lobe stât: doch geviel im vrouwe Ênîte baz. wol bescheinte er in daz: 2918 er vuorte si heim ze Karnant unde gap dô sîn lant in ir beider gewalt, daz er ze künege wære gezalt und daz si wære künegîn: 2923 er hiez si beide gewaltic sîn. |