Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1354 ûf dem gemeinen sê vant,
        daz er in dem apte liez
        und in im selben niene hiez
        dienen sam durch allez reht
        tæte sîn schalc und sîn kneht?'
1359 Grêgôrius, dô er daz kint gesluoc,
        dar umbe was er trûric genuoc
        und lief im ze hûse nâch.
        dar umbe was im alsô gâch
        daz er des sêre vorhte
1364 daz im daz kint entworhte
        sîner ammen minne.
        nu erhôrte er si dar inne
        schelten âne mâze.
        nu gestuont er an der strâze
1369 unz er den itewîz vernam
        und unverwister dinge kam
        gar an ein ende,
        daz er ellende
        wære in dem lande,
1374 wan si in ofte nande.
[ zurück ]