einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1557 diu kutte gestuont nie manne baz.''Herre, nû versuochet ouch daz und gebet mir ritterlîche wât: dêswâr ob si mir missestât, sô gan ich ir wol eim andern man1562 und lege die kutten wider an. herre, iu ist vil wâr geseit: ez bedarf vil wol gewonheit, swer guot ritter wesen sol. ouch hân ich ez gelernet wol1567 von kinde in mînem muote hie: ez enkam ûz mînem sinne nie. ich sage iu, sît der stunde daz ich bedenken kunde beidiu übel unde guot,1572 sô stuont ze ritterschaft mîn muot. ich enwart nie mit gedanke ein Beier noch ein Vranke: swelh ritter ze Henegouwe, ze Brâbant und ze Haspengouwe1577 ze orse ie aller beste gesaz, |