Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

583 und begrîfet iuch dâ der tôt,
      sô ist des eides harte nôt
      daz si unser vrouwe müeze sîn.
      bevelhet si ûf die triuwe mîn
      vor den herren allen
588 (daz muoz in wol gevallen,
      wande ich der altiste under in
      und ouch der rîchiste bin):
      sô nim ich si hin heim ze mir.
      selhen gemach schaffe ich ir
593 daz si daz kint alsô gebirt
      daz des nieman innen wirt.
      got gesende iuch wider, herre,
      des getrûwe ich im vil verre.
      belîbet ir danne under wegen,
598 so gevallet iu der gotes segen.
      zewâre sô enist niht mîn rât
      daz si durch dise missetât
      der werlde iht emphliehe,
      des landes sich entziehe.
603 belîbet si bî dem lande,
[ zurück ]