einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius672 von dem disiu mærevon allerêrste erhaben sint. ez was ein wünneclîchez kint. ze des kindes gebürte was niemen z'antwürte677 niuwan dise vrouwen zwô. der wirt wart dar geladet dô, und als er daz kint ersach, mit den vrouwen er des jach daz nie zer werlde kæme682 ein kint alsô genæme. Nû wurden si alsô drâte under in ze râte wie ez verholn möhte sîn. si sprâchen, diz schœne kindelîn687 daz wære schedelich verlorn: nû wære aber ez geborn mit alsô grôzen sünden, ez enwolde in got künden, daz si niene westen692 von ræten den besten. |