Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

763 im wart dâ niht benant
      weder liute noch lant,
      geburt noch sîn heimuot:
      daz was ouch in ze helne guot.
       Dô der brief was gereit,
768 dô wart diu tavele geleit
      zuo im in daz kleine vaz.
      dô besluzzen si daz
      mit selher gewarheit
      daz deheiner slahte leit
773 geschæhe dem kinde
      von regen noch von winde
      noch von der ünden vreise
      ûf der wazzerreise
      ze zwein tagen oder ze drin.
778 alsus truogen si ez hin
      bî der naht zuo dem sê:
      vor dem tage enmohten si ê.
      dâ vunden si eine barke
      ledige unde starke,
783 dâ leiten si mit jâmer an
[ zurück ]