einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich988 vür sînen siechtuom ir tôt und man ir ernest ersach, dô wart dâ michel ungemach und riuweclich gebærde. mislich beswærde 993 huop sich dô under in, zwischen dem kinde und in drin. ir vater und ir muoter, die huoben michel weinen hie; weinens gienc in michel nôt 998 umbe ir vil lieben kindes tôt. nu begunde ouch der herre gedenken alsô verre an des kindes triuwe und begreif in ouch ein riuwe, 1003 daz er sêre weinen began, und zwîvelte vaste dar an weder ez bezzer getân möhte sîn ode verlân. von vorhten weinde ouch diu maget; 1008 si wânde er wære dar an verzaget. |