einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1086 und wirt dîn schame harte grôz die dû von schulden danne hâst, sô dû nacket vor mir stâst. ich binde dir bein und arme. ob dich dîn lîp erbarme, 1091 so bedenke disen smerzen: ich snîde dich zem herzen und brichez lebende ûzer dir. vröuwelîn, nû sage mir wie dîn muot dar umbe stê. 1096 ezn geschach nie kinde alsô wê als dir von mir muoz geschehen. daz ich ez tuon sol unde sehen, dâ hân ich michel angest zuo. swie wê ez dînem lîbe tuo, 1101 geriuwetz dich eins hâres breit, sô hân ich mîn arbeit unde dû den lîp verlorn.< vil tiure wart si aber besworn, sine erkande sich vil stæte, 1106 daz si sichs abe tæte. |