einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein713 mirn wart von iu niht widerseit,und habent mir lasterlîchez leit in iuwer hôchvart getân. nu wie sihe ich mînen walt stân! den habent ir mir verderbet718 und mîn wilt ersterbet und mîn gevügele verjaget. iu sî von mir widersaget: ir sult es mir ze buoze stân od ez muoz mir an den lîp gân.723 daz kint daz dâ ist geslagen, daz muoz wol weinen unde clagen: alsus clag ich von schulden. ichn hân wider iuwern hulden mit mînem wizzen niht getân:728 âne schulde ich grôzen schaden hân. hien sol niht vrides mêre wesen: wert iuch, ob ir welt genesen.' Dô bôt ich mîn unschulde und suochte sîne hulde:733 wan er was merre danne ich. |