Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2480 der ist der baz tuonde man
        den unser lant ie gewan
        von sînen jâren.
        er enmöhte niht baz gebâren."
        des wart grœzlîche gejehen.
2485 im was des âbendes geschehen
        dâ von er prîs bejagete.
        morgen als ez tagete,
        Êrec ûf machte sich.
        sîn êrste vart was ritterlich:
2490 zuo der kirchen er gie
        und ergap sich dem noch nie
        voller genâden zeran:
        ez enwart ouch nie gar vrumer man,
        an im enstüende sîn rât:
2495 wan der in vor im hât
        an allen sînen dingen,
        der versehe sich gelingen.
        Êrec trûwete im vil sêre
        umb sîn ritterlîche êre,
2500 daz er der geruochte phlegen.
[ zurück ]