einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec5734 dô was er sô betoubetdaz im daz houbet vor den vüezen nider kam. einen selhen val er nam daz er lac vür tôt. 5739 nû huop sich ein bitter nôt und alles leides galle von disem valle in vrouwen Ênîten muote. von jâmer huop diu guote 5744 ein klage vil erbarmeclîche, herzeriuweclîche. ir wuof gap alselhen schal daz ir der walt widerhal. nû enhalf ir niemen mêre 5749 klagen ir herzesêre niuwan der widergelt den ir der walt ûz an daz velt mit gelîchem galme bôt. der half ir klagen ir nôt, 5754 wan ir was niemen mêre bî. |