einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2347 dâ in ein riuwe geviediu mir an mîn herze gie.' 'Sich, jâ was ez ie dîn site unde hâst mir dâ mite gemachet manige swære:2352 dun gesagetest nie guot mære. noch baz dû gedagetest dan dû die lüge sagetest diu mir ze schaden gezüge.' 'vrouwe, diz ist niht ein lüge.2357 jâ enist anders niht mîn klage wan daz ich iu sô wâr sage.' 'sich, sô meinestûz doch sô?' 'entriuwen jâ, er ist unvrô. ich wânde ir westetz michel baz.2362 jâ vrouwe, waz mac wesen daz daz er vor iu sô gar verstilt, wan er iuch anders niht enhilt? zewâre, vrouwe, swaz ez sî, im wonet ein grôziu swære bî.2367 ich hâns ouch mê war genomen: |