Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4765 nu enpfiengen sî in beide wol,
        als man lieben gast sol.
         Dô sprach der wirt 'mich dunket guot
        daz ir vil dienesthaften muot
        traget iuwerm gaste.
4770 er hât sich alsô vaste
        unser swære an genomen,
        wir suln sî mit im überkomen,
        geruochet sîn unser trehten.
        er sprichet er welle vehten:
4775 dô ich im mîne clage tete,
        dô gelobt er mir âne bete
        er welle durch uns tôt geligen
        ode dem risen an gesigen,
        dem ich sô vil vertragen muoz.
4780 nû gnâdet im ûf sînen vuoz:
        daz ist mîn bete und mîn gebot.'
        her Îwein sprach 'nu enwelle got
        daz mir diu unzuht geschehe
        daz ich ze mînen vüezen sehe
4785 diu mîns hern Gâweins swester ist.
[ zurück ]