einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec53 daz sach diu künegîn und Êrecdaz ez si mit der geisel sluoc die ez in der hant truoc, über houbet und über hende ze sîner missewende, 58 daz si mâl dâ von gewan. mit selher antwurt schiet si dan wider zuo ir vrouwen unde liez si schouwen wie sêre si was geslagen. 63 daz begunde si vil tiure klagen dazz ir sô nâhen was geschehen daz siz muoste ane sehen. Êrec dô ahten began, der ritter wære dehein vrum man, 68 daz er ez vor im vertruoc daz sîn getwerc die maget sluoc. er sprach: "ich wil rîten dar, daz ich iu diu mære ervar." diu vrouwe sprach: "nû rîtet enwec." 73 zehant huop sich Êrec, |