einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich480 sus erwahte si diu süeze. Dô si der trähene emphunden, si erwacheten und begunden si vrâgen waz ir wære und welher hande swære 485 si alsô stille möhte klagen. nu enwolde sis in niht gesagen. dô ir vater aber tete vil manige drô unde bete daz siz in müese sagen, 490 si sprach: >ir möhtet mit mir klagen. waz mac uns mê gewerren danne an unserm herren, daz wir den suln verliesen und mit im verkiesen 495 beide guot und êre? wir gewinnen niemer mêre deheinen herren alsô guot der uns tuo daz er uns tuot.< Si sprâchen: >tohter, dû hâst wâr. 500 nû vrumet uns niht umbe ein hâr |