Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1156 wan 'ouwê, rîter, ouwê!
        daz ir her komen sît,
        daz ist iuwer jungestiu zît.
        ir habet mînen herrn erslagen.
        man mac sô jæmerlîchez clagen
1161 an mîner lieben vrouwen
        und an dem gesinde schouwen,
        und sô grimmeclîchen zorn,
        daz ir den lîp hânt verlorn.
        daz sî iuch nû niht hânt erslagen,
1166 daz vristet niuwan daz clagen
        daz ob mînem herren ist:
        sî slahent iuch ab an dirre vrist.'
         Er sprach 'so ensol ich doch den lîp
        niht verliesen als ein wîp:
1171 michn vindet nieman âne wer.'
        si sprach 'got sî der iuch ner:
        ern beschirme iuch eine, ir sît tôt.
        doch gehabte sich ze grôzer nôt
        nie man baz danne ir tuot:
1176 ir sît benamen wol gemuot.
[ zurück ]