Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2065 der mir den wirt erslagen hât.
        ob ez anders umb in stât
        alsô rehte und alsô wol
        daz ich im mîn gunnen sol,
        sô muoz er mich mit triuwen
2070 ergetzen mîner riuwen,
        und muoz mich deste baz hân
        daz er mir leide hât getân.'
         Daz sî ir maget ie leit gesprach,
        daz was ir alsô ungemach
2075 daz sîz vil sêre clagete.
        morgen, dô ez tagete,
        dô kam sî wider gegangen
        und wart baz enpfangen
        dan sî verlâzen wære.
2080 ir benam diu vrouwe ir swære
        mit guotem antfange.
        sine saz bî ir niht lange
        unz sî sî vrâgen began.
        sî sprach 'durch got, wer ist der man
2085 den dû mir gester lobtest
[ zurück ]