einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein5684 wie er erslagen wære,den der rîter mittem lewen sluoc. des genâdet er im gnuoc mit worten und mit muote, her Gâwein der guote,5689 wand erz durch sînen willen tete. ouch was des rîters bete daz manz in wizzen solde lân: daz hete sîn niftel getân: und dô sî imz gesagete,5694 wie tiure er dô clagete daz er sîn niht erkande! wand er sich niht ennande. er erkand in bî dem mære, und enweste doch wer er wære.5699 Dô ze hove kam diu maget, als ich iu hân gesaget, und einen kempfen suochte, des niemen sî beruochte, dô clagetes harte sêre5704 ir guot und ir êre: |