Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6954 die ietweder wolde mêren
        mit dem andern an dem tage,
        daz ich ez gote tiure clage
        daz die besten gesellen
        ein ander kempfen wellen
6959 die iender lebeten bî der zît.
        sweder nû tôt gelît
        von des anderen hant,
        und im dâ nâch wirt erkant
        wen er hât erslagen,
6964 daz wirt sîn êwigez clagen.
        möhten sî nû beide gesigen
        od beide sigelôs geligen
        ode abe unverwâzen
        den strît beide lâzen,
6969 so si sich erkennent beide,
        daz wær in vür die leide
        daz liebest und daz beste.
        jane wâren sî niht geste
        des willen, sam der ougen.
6974 ir ietwederm was tougen
[ zurück ]