Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

1583 der frume wirt niht mêre
        wan der schade an êre.
        Welch wünne ein wîp dâ mite hât
        daz sî ir friunt sô lange lât
        an zwîvellîchen sorgen,
1588 die sint mir gar verborgen.
        ez ist ein unbescheiden site,
        ir friunt verderbent sî dâ mite
        und sûment guote minne;
        daz wirt in dar an ze gewinne.“
1593 Herze, ich hœre dich klagen
        daz dû wol möhtest verdagen;
        dû wirst von fremden leiden alt.
        daz dû mir hâst vor gezalt
        von wîbes unbescheidenheit,
1598 daz lieze ich den wesen leit
        den dâ schade von geschiht.
        leider die ensîn wir niht;
        ez ist der sæligen ungemach.
        wie lützel uns des noch ie geschach
1603 dar umbe sich vil maniger senet!

[ zurück ]