Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

593 ob sî dîn dienest twinget
      daz dir an ir gelinget,
      sô wirst dû der sæligiste man
      der in der werlte ie liep gewan.
      dû maht dich gerne wâgen
598 an nützez râtfrâgen
      nâch alselher êre,
      der dû iemer mêre
      von schulden muost gewert sîn,
      dû und ich, daz herze dîn.
603 Dû klagest dich âne nôt ze vil.
      ja enist ez niht ein kindes spil,
      swer daz mit rehte erwerben sol
      daz im geschiht von wîbe wol.
      swer ahte hât ûf minne,
608 der bedarf wol schœner sinne
      und swer ir lêre rehte wil phlegen
      der muoz lâzen under wegen
      swaz anders heizet danne guot
      und minnen rehtes mannes muot.
613 dâ hœret arbeit zuo

[ zurück ]