Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

644 swaz ouch dir lasters geschiht,
      des endarft dû an mich niht jehen;
      wan ich lâze dich wol sehen,
      wilt dû sîn haben mînen rât,
      daz dir niemer missegât,
649 dir engeschehe älliu êre.
      dû klagest von grôzem sêre
      und lebest müelîchen;
      ja enmac sich niht gelîchen
      unser kumber den wir tragen.
654 dû maht wol swîgen, lâ mich klagen.
      Dîner sorgen ist sô vil,
      si wæren wider die mînen ein spil,
      ob ez alsô dar umbe wære
      daz sî mich dûhten swære.
659 daz aber ich vil lîdiclîchen tuo,
      daz hilfet mich dar zuo
      und tuot mir mîner sorgen rât.
      wan mîn muot alsô stât
      daz mich niht genüegen mac,
664 ich enflîze mich naht und tac

[ zurück ]