einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius940 kam ez von der ünden slageze einem einlande, als ez got dar gesande. ein klôster an dem stade lac, des ein geistlich abbet phlac.945 der gebôt zwein vischæren daz si benamen wæren vor tage vischen ûf den sê. dô tet in daz weter wê: der wint wart alsô grôz950 daz si kleine noch grôz mohten gevâhen. si begunden wider gâhen. in der widerreise vunden si ûf der vreise955 sweben des kindes barke. nû wunderte si vil starke wie si dar komen wære alsô liute lære. si zugen dar zuo sô nâhen960 daz si dar inne sâhen |