einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3481 nû wâren si beide âne mazalle die naht geriten und hâten kumber erliten. des hûses wâren si vrô, wande si gedâhten dô 3486 dâ ze ruowen über tac in einem markte der dar under lac. si begunden hin gâhen dâ si den market sâhen. nû bekam in ûf dem wege 3491 ein knabe, der hete in sîner phlege gesoten schultern unde brôt, gewunden, als man im gebôt, und bewart ze vlîze in eine tweheln wîze: 3496 ein kandel vuorte er an der hant mit wîne. wem diz wart gesant, des enist mir niht geseit. dô dirre knabe zuo reit, ze vlîze begunde er schouwen 3501 die bekumberten vrouwen. |