einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3500 ze vlîze begunde er schouwendie bekumberten vrouwen. ir gevertes in grôz wunder nam. als er zuo ir geriten kam, si gruozte in vil schône: 3505 dô neic er ir ze lône. vürbaz wîste in der wec. nû gap im Êrec mit gruoze guoten morgen, under helme verborgen. 3510 der knabe an im dô wol sach daz er grôzen ungemach die naht hâte erliten und gewâfent was geriten, und bewegete in ir arbeit. 3515 er sprach: "herre, und wærez iu niht leit, ich vrâgete iuch mære war iuwer wille wære. saget mirz durch iuwer diemuot: ich vrâge iuch niuwan durch guot. 3520 mich dunket ir sît gast hie: |