Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3549 und gienc dâ er wazzer vant.
        in beiden er sô vil truoc
        daz man die hende getwuoc.
        die tweheln leite er ûf daz gras,
        dar ûf die spîse diu dâ was,
3554 vleisch brôt unde wîn:
        es enmohte nie mêre sîn.
        als si dô genuoc gâzen
        und wider ûf gesâzen,
        Êrec sprach zuo dem knehte:
3559 "knabe, ir sult von rehte
        etelîchen lôn emphân
        des ir zuo uns habet getân.
        ir habet minne wol versolt.
        nû enhân ich silber noch golt
3564 dâ ich ius gelône mite:
        geselle, nû tuot des ich iuch bite
        unde nemet die wal
        under der rosse zal,
        ein daz iuz liebiste sî.
3569 unde sît gewis dâ bî,
[ zurück ]