Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2609 nû mohte sich gelîchen
        der schal von den scheften
        niuwan dâ von windes kreften
        ein walt begunde vallen.
        dô tete erz vor in allen,
2614 Êrec fil de roi Lac,
        wande er den mântac
        maneges ros erledegete dâ.
        diu liez er von der hant sâ,
        daz er ir deheinez nam,
2619 wan er dar niene kam
        ûf guotes gewin.
        dar an kêrte er sînen sin,
        ob er den prîs möhte bejagen.
        ich wil ouch iu zewâre sagen,
2624 sîn lîp wart lützel dâ gespart.
        dô der turnei stânde wart,
        dô sach man in sô dicke
        niender als in der dicke,
        dâ er muoste emphâhen unde geben.
2629 man sach in manlîche leben.
[ zurück ]