einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec260 daz hûs er schouwen begundeund enwânde niht daz er vunde ieman dar inne: daz vreute sîne sinne. er gedâhte: "mîn dinc daz vert nû wol, 265 wan ich in einem winkel sol belîben hinne unz an den tac, sît ich niht wesen baz mac. des gan man mir doch âne strît: ich sihe wol daz ez œde lît." 270 als er in daz hûs kam und er der winkel war genam, welher im dar zuo töhte dâ er inne belîben möhte, dô sach er sitzen dâ 275 einen man, der was grâ, sîn hâr von alter snêwîz. des hete er dannoch guoten vlîz daz ers nâch reinem site phlac: vil wol gestrælet ez lac 280 über sîn ahsel ze tal. |