Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3207 und daz mir erloube
        vor iu iuwer beider munt
        die êrsten tjost hie zestunt
        diu wider den ritter sol geschehen,
        wan ich si von êrste hân gesehen.
3212 ist daz ich im benim den lîp,
        sô wil ich niuwan daz wîp:
        sîner habe ger ich niht mêre."
        dô gewerten si in der êre.
        den schilt er dô ze halse nam.
3217 als im Êrec nâhen kam,
        daz ros nam er mit den sporn.
        er sprach: "herre, ir habet verlorn
        beide lîp unde guot."
        Êrec durch sînen grimmen muot
3222 im dehein antwurt enbôt
        und stach in von dem rosse tôt.
        sîn geselle in wolde gerochen hân:
        dem wart alsam getân.
        in wâren bein und arme blôz,
3227 des Êrec an dem sige genôz.
[ zurück ]