Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3666 besunder hie und si dort
        von im an der tweheln ort.
        nû begunde den grâven riuwen,
        und gedâhte wider sînen triuwen,
        daz er die vrouwen verliez,
3671 daz er si im niht nemen hiez.
        manecvalt wart sîn gedanc,
        als in der vrouwen schœne twanc,
        wie er si möhte gewinnen.
        untriuwe riet sînen sinnen
3676 daz er dar sô kæme
        daz er si im benæme.
        daz was doch wider dem rehte
        daz er dem guoten knehte
        sîn wîp wolde hân genomen,
3681 dô er in sîn lant was komen,
        dâ ern bevriden solde
        ob im iemen schaden wolde.
        der muot was im von minne komen,
        wande wir haben vernomen
3686 von dem grâven mære
[ zurück ]