Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4241 ê er vol ûz dem walde kam:
        daz was sîn grôziu sælekeit.
        alsô beleip ez ungeseit:
        die ritter die dâ genâren
        und bî ir herren wâren,
4246 der enwolde deheiner von im komen,
        von dem man ez hete vernomen:
        dô getorstenz die vliehenden zagen
        vor ir schande niht gesagen,
        ê daz Êrec der herre
4251 kæme von dem lande verre.
        die ritter dô verbunden
        dem grâven sîne wunden
        und vuorten in ûf bâren
        und die dâ tôt wâren
4256 hin heim mit herzeriuwen.
        sô genôz er sîner untriuwen.
        als Êrec dô gereit
        an sîne gewarheit,
        dâ er den grâven niht entsaz,
4261 nû verweiz er vrouwen Ênîten daz
[ zurück ]