Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8055 er enwolde vollerîten.
        nû huoben si sich ûf den wec.
        und als der künec Êrec
        mit sînem schœnen wîbe,
        ze vreise sînem lîbe,
8060 nû reit gegen Brandigân,
        die stat die er drunder sach stân,
        dâ was inne vreuden vil,
        tanz und aller slahte spil
        daz jungen liuten wol gezam.
8065 und als er zuo geriten kam
        und si die schœnen Ênîten
        dâ vür sâhen rîten
        und nâch ir die zwêne man,
        nû sâhen si die vrouwen an
8070 und begunde menneclîch des jehen
        daz er unz dar nie gesehen
        deheine vrouwen hæte
        von lîbe und ouch von wæte,
        von pherde und von gereite,
8075 sô schœne und sô gemeite.
[ zurück ]