einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9821 mit guotem trôste er in benamir herzeleides etewaz. nû waz tuot dem manne baz wan der in nâch leide trœstet wol? des ist vriunt vriundes schol. 9826 doch begunde er in râten, daz si vil gerne tâten, daz si dâ niht mê beliben und si ir jâr baz vertriben und daz si urloup næmen 9831 unde mit im kæmen zem künege Artûse, wan si dâ ze hûse nimmer wolden werden vrô. urloubes gerten si dô. 9836 daz enwas dem wirte niht leit, wan im was wol daz geseit daz si hæten des gejehen, in wære sô leide dâ geschehen daz si ûf dem hûs ze Brandigân 9841 nie dehein vreude möhten hân. |